Nýggjárskonsert um vikuskiftið

Árliga nýggjárskonsertin hjá Føroya Symfoniorkestri er um vikuskiftið - í kvøld og í annaðkvøld.

Fyrra konsertin er í kvøld klokkan sjey, og allan dag vóru venjingar í Norðurlandahúsinum.

Kór við útivið 90 sangarum er eisini við, og í dag hittu vit Tóru Vestergaard, sum hevur vant symfoniorkesturkórið:

 Tríggir solistar eru við hesaferð. Tey eru tenorurin, Ivan Magri úr Italia, og føroysku Andrias Blaasvær á violin og Kristina á Váli á sello.

Bernharður Wilkinson stjórnar Føroya Symfoniorkestri.

Konsertin er klokkan sjey í Norðurlandahúsinum bæði kvøldini, og hon verður send í útvarpinum í annaðkvøld klokkan átta.