Óvist hví Ellinor sakk

Sjóvinnustýrið veit ikki, hví útróðrarbáturin Ellinor sakk vestanfyri Sandoynna 8.november í fjør.

Báturin kann hava rent á okkurt í sjónum, talan kann hava verið um møðisbrot í skrokkinum, gjøgnumslag frá brotnum skrúvublaði ella rustað róðurhylsa, sum hevur sprongt hol á skrokkin.

Ellinor var úr Fuglafirði og var á veg hagar eftir at hava roynt við línu í ein útsynning úr Suðuroynni.

Tveir menn vóru við. Teir fóru í gummibjargingarbátin. 

25 minuttir seinni var tyrla hjá teimum.

Brestur eingin stotyur

Ein hvøllur brestur var, men eingin stoytur,

Hálvan tíma seinni varnaðust menninir, at báturin hevði lagt seg eitt sindur á bakborð. Hann var farin at leka.

Vindurin var eystligur, 15-18 m/s, og alduhæddin var tríggjar til fimm metrar.

Sum frá líður kann óhappið dálka umhvørvið nakað, tí 1000 litrar av dieselolju vóru í tangunum, sigur Sjóvinnustýrið.

Stabiliteturin hjá Ellinor var í lagi, vísa kanningarnar.

Ellinor var úr trevjaplasti, bygd í Kanada í 2001. Hon var 12,5 bruttotons.