Helst brot á dátuvernd

Í drúgva tíð er spurnartekn sett við upptøkutólini á serliga Teslabilunum. Sakarmál koyra í Týsklandi, í Hollandi hava tey biðið Tesla gjørt broytingar og í Danmark eru serfrøðingar, ið halda, at tað ikki er loyvt, at hava hesi myndatólini.

Tesla var fyrst við framkomnum upptøkutólum í bilunum, men nú eru nøkur onnur bilmerki, sum eisini hava tílík tól. Upptøkutólini fáa alt við, sum hendir kring bilin, og tað er lætt at kenna fólk aftur.

Til ber eisini at fylgja við á eini app á telefonini og síggja alt, sum hendir kring bilin. 

Dátueftirlit í øllum Evropa viðgera í løtuni spurningin um upptøkutólini hjá Tesla bilum.

Føroyska Dátueftirlitið bíðar nú eftir, hvørja niðurstøðu dátueftirlit í øðrum londum koma til.