Danmark framvegis minst korrupta landið

Danmark er framvegis heimsins minst korrupta land, Finnland er á øðrum plássi og Ný Sæland á triðja plássi. 

Verri er statt í øðrum londum í heiminum.

Tað vísir yvirlit, sum Transparency International ger hvørt ár um mutur í almenna geiranum.

Fá framstig

- Flestu lond hava at kalla eingi framstig gjørt at handfara mutur í almenna geiranum, staðfestir felagsskapurin, Transparency International, í árligu frágreiðing síni.

Eins og í fjør, fær Danmark 90 av 100 møguligum stigum, og er sostatt minsta korrupta land á listanum framman fyri Finnland, sum fær 87 stig. 

Ný Sæland er farið úr 87 niður á 85 stig, men er framvegis á triðja plássi.

Noreg er framvegis á fjórða plássi við 84 stigum.

Svøríki aftan fyri Singapore

Hjá Svøríki gongur skeivan veg. Landið lá leingi framman fyri Noreg, og fekk 89 stig í 2015. Men nú fær Svøríki 82 stig, og er aftan fyri Singapore.

Ísland hevur afturgongd, 72 stig, og er farið 10 stig aftur seinastu 10 árini.

Holland fær 79, og Bretland fær 71 stig, sum er tað minsta, sum Bretland nakrantíð hevur fingið, skrivar NTB.

Sí yvirlit yvir londini her.