Vallyfti krevja fígging og haldføri

Landsstýrið fer at fáa Búskaparráðið og Landsbankan at hava framløgu um frágreiðingina hjá Búskaparráðnum um haldføri.

Og Landsbankin hevur boðið øllum politikarum til framløgu um haldførisgreiningina í mars. 

Tað sigur Aksel V. Johannesen,løgmaður, í svari til Johan Dahl,løgtingsmann, sum spurdi um fíggjarpolitiskt haldføri.

Løgmaður sigur, at samgongan hevur sett sær fyri at tryggja ein haldføran og sjálvberandi  búskap.

Samgongan er eisini samd um, at allur politikkurin hjá henni skal vera fult fíggjaður. 

Hetta merkir, at samgongan bara kann fremja vallyftini so hvørt sum hon hevur funnið fígging til teirra, sigur løgmaður.