Sambýlið í Reynstúni fær tvær milliónir aftrat

Fíggjarnevndin er samd um lata Almannaráðnum tvær milliónir krónur aftrat til sambýlið til fólk við menningartarni og fjølbreki í Reynstúni á Argjum.

Í 2022 læt løgtingið 54 milliónir til byggingina.

Nú hevur Almannaráðið biðið um tvær milliónir aftrat.

Tær tvær milliónirnar eru tøkar í fíggjarlógini fyri 2024, sigur Almannaráðið, tí sambýlið á Mýrini bleiv bíligari enn mett.

Fíggjarnevndin sigur seg hava fingið at vita, at Landsverk hevur gjørt uppskot um ein nýggjan leist til uppgávu- og ábyrgdarbýtið millum Almanna- og mentamálaráðið og Landsverk.

Tann leisturin sigur, hvørjar uppgávur hvør partur hevur í byggitilgongdini. 

Almanna- og mentamálaráðið tekur undir við hesum leisti.