Skal gera tilmæli um lønir hjá bæði løgtings- og landsstýrisfólkum

Í staðin fyri tvær nevndir skal bara ein og sama nevnd gera tilmæli um samsýning og eftirløn til løgtingsfólk og landsstýrisfólk. 

Hetta tilmælið hjá arbeiðsbólkinum, sum viðgjørdi samsýning og eftirløn hjá løgtingsfólkum, hevur meirilutin í formansskapinum tikið til sín og lagt fyri løgtingið. 

Ein onnur broyting, sum skotin er upp, er, at nevndin skal ikki setast eftir hvørt løgtingsval, men bara, tá brúk er fyri henni. 

Sambært uppskotinum skulu útreiðslurnar til nevndina býtast javnt millum Løgmansskrivstovuna og løgtingið, tá nevndin viðger samsýningar til bæði landsstýrið og løgtingið.