Forkvinnan í ES-nevndini er komin til Føroya

Ursula von der Leyen, forkvinna í ES-nevndini, kom í kvøld til Føroya við flogfarinum hjá Atlantsflogi úr Keypmannahavn.

Ursula von der Leyen er komin til Føroya í sambandi við, at hon og Aksel V. Johannesen í morgin fara at skriva undir eitt semjuskjal um at styrkja samstarvið millum Føroyar og Evropasamveldið.

Endamálið við semjuskjalinum er at gera ein yvirskipaðan karm fyri samstarvið millum Føroyar og ES, og at menna viðurskiftini enn meira, sigur Løgmansskrivstovan.

Skrivað verður undir skjalið á middegi í morgin, og  aftaná verður tíðindafundur.

Eftir tíðindafundin fer forkvinnan í ES-nevndini at vitja Bakkafrost á Glyvrum og Ocean Rainforest í Kaldbak. Haðani gongur leiðin til Gásadals og Bíggjar, áðrenn Ursula von der Leyen í annaðkvøld fer av landinum aftur við flogfari. 

Ursula von der Leyen

Frítekst tagging: 

Ursula von der Leyen