Vísa sína misnøgd við uppskotið

Bøndur ymsastaðni í landinum eru komnir til Havnar við tilsamans 33 traktorum at vísa sína misnøgd við uppskotið hjá landsstýrismanninum í vinnumálum um burðardygga ferðavinnu, sum fær fyrstu viðgerð í tinginum seinnapartin.

Tá traktorarnir vóru komnir til Havnar, var farið á garðin á Vatnaskørðum, har formaðurin í Bóndafelagnum, Sigert Patursson tók ímóti.

(Videomyndir: Helgi Abrahamsen)

Haðani gekk so leiðin oman í løgtingið.

Sigert Patursson sigur, at endamálið við tiltøkinum er at vera til staðar og vísa misnøgd við uppskotið, sum eftir hansara tykki er ov víðgongt.

Hoyr samrøðu, sum Frants Jensen gjørdi við formannin í Bóndafelagnum í útvarpstíðindunum:

Høgni Hoydal og Niels Pedersen

Óðalsfelagið er eisini við í mótmælistiltakinum í dag. Niels Pedersen, formaður í Óðalsfelagnum, og Høgni Hoydal, landsstýrismaður. (Mynd: Bjarni Árting Rubeksen)