Alivinnan skal bæði rinda tøkugjald og serskatt av avlopi

Alivinnan skal nú rinda bæði tøkugjald og serskatt av avlopi.

Samgongan og Sambandsflokkurin hava síðani í heyst samráðst um at endrskoða skipanina fyri gjøld frá alivinnuni, og í dag skrivaðu flokkarnir undir semjuna.

Tvørpolitiska skipanin røkkur tvørtur um valskeið.

Tøkugjaldið verður ein stigi, ið byrjar á 0,5 prosentum og endar á 7,5 prosentum, alt eftir altjóða laksaprísinum.. Og serskatturin verður átta prosent av yvirskotinum hjá alifeløgunum.

Flokkarnir eru samdir um, at skipanin skal tryggja landinum eitt rímiligt og rættvíst gjald fyri rættin at ala í Føroyum, og samstundis tryggja vinnuni ein støðugan karm, ið gevur best møguligt grundarlag at leggja virksemið til rættis og tryggja altjóða kappingarførið.

Tøkugjald í alivinnuni og semja

Høgni Hoydal, landsstýrismaður, saman við umboðum hjá samgonguflokkunum og Sambandsflokkinum í vinnunevndini á tíðindafundinum í dag. (Mynd: Bjarni Árting Rubeksen)

Skal vera einføld

Skipanin skal ikki stýra atferðini hjá vinnuni. Hon skal vera einføld at umsita, tryggja gjøgnumskygni og leggja upp fyri teimum vansum og avbjóðingum, sum kunnu taka seg upp, siga samgonguflokkarnir og Sambandsflokkurin.

Uppskotið um tøkugjaldið verður lagt fram í vár, og uppskotið um serskatt av yvirskoti í alivinnuni verður lagt fram í heyst.

Lógarbroytingarnar koma í gildi 1. januar.

Meiri verður at frætta í útvarpstíðindunum og í Degi og Viku.

Les semjuskjalið her.

Myndir: Bjarni Árting Rubeksen

Tøkugjald í alivinnuni og semja

Tøkugjald í alivinnuni og semja

Tøkugjald í alivinnuni og semja

Tøkugjald í alivinnuni og semja

Tøkugjald í alivinnuni og semja, Eyðdis Hartmann Niclasen

Tøkugjald í alivinnuni og semja