Vitin á Borðuni skal sleppa undan oljuni

Vitin á Borðuni skal hava tryggari elveiting.

Arbeiðið er byrjað.

Lagdur verður el-kaðal frá vitanum til mastrina hjá Føroya Tele. 

Higartil er elveitingin komin frá oljuriknum generatori, sum stendur á Borðuni.

Hetta verður bæði tryggari, tí sleppast kann undan oljutanganum á Borðuni, og elveitingin verður bíligari, sigur Uttanríkis- og Vinnumálaráðið.

Søfartsstyrelsen rindar helmingin av íløguni, tað er kaðalin, og Sjóvinnustýrið skal rinda fyri at grava niður kaðalin. 

Hetta er mett at kosta 1,8 mió.kr., og Uttanríkis- og Vinnumálaráðið biður løgtingið um eykajáttan.