Vinus og Vimús eru tit har?

Vinus hoyrir illa eina løtu, júst tá Vimús roynir at siga frá, tí Vinus hevur smátalarar í oyrunum. Tað er nokso óheppið. Og hvat hendir so, tá ið Vinus og Vimús lata seg í brillur, sum gera alt myrkari. Tá er torført at síggja eyguni.  Tað er vert at leggja til merkis, um oyruni á tær lurta onkra aðrastaðni, og um tað ber til at síggja hvar eyguni á tær hyggja. Ert tú tá til staðar?

Hesa ferð spæla Vinus og Vimús við kort, og kortini kunnu flúgva nokk so langt, men tað er best at ansa eftir.
Og góða bókin, sum knappliga dettur úr hillini, er um eina kráku, sum alla tíðina ansar eftir!
Sangurin er um at pakka inn og pakka upp. Tá Vinus ætlar sær at syngja og spæla ein góðan sang, bankar Vinurin uppá og hevur aftur eitt nýtt ljóðføri við.

Aftur hesa ferð eru smáteknifilmarnir at síggja.

Og aftaná at hava pakka inn og pakka upp, so skal Vinus tekna alt, sum Vimús sigur, hann skal tekna.

Góðan morgun dag gott kvøld góða nátt – og farvæl!

Hvat: Vinus & Vimús
Hvar: í sjónvarpinum og á VIT-appini og kvf.fo/vit
Nær: Í sjónvarpinum í dag kl. 18.30, og nú á VIT-appini og kvf.fo/vit
Evni: Ansa eftir at vera til staðar.

* At brúka til pakkaspælið: Pakkipappír, pakkiband, saks, klistriband. Og gávu!