Tepur meiriluti í bygdaráðnum í Hvalba fyri fólkaatkvøðu

Hvalbingar fáa møguleikan at siga sína hugsan um kommunusamanlegging í Suðuroynni. 

Við teprum meiriluta samtykti Hvalbiar bygdaráð í gjár skipa fyri fólkaatkvøðu um samanlegging. Fýra atkvøður vóru fyri og tríggjar ímóti. 

Arbeiðsbólkurin, sum hevur gjørt álitið um kommunusamanlegging, verður biðin um at fyrireika fólkaatkvøðuna, og málið verður so aftur lagt fyri bygdaráðið.

Janus Thomsen er borgarstjóri í Hvalbiar kommunu:

Janus Thomsen

Janus Thomsen, borgarstjóri í Hvalbiar kommunu.

Í kvøld fer bygdaráðið í Fámjin taka støðu til sama mál.

Frammanundan hevur samt býráð á Tvøroyri longu tikið undir við, at fólkaatkvøða skal haldast í kommununi um kommunusamanlegging

Arbeiðsbólkurin,  sum hevur arbeitt við at kanna vansar og fyrimunir við samanlegging av kommununum í Suðuroyar norðaru helvt, legði í mars fram úrslitið av arbeiðinum. 

Niðurstøðan hjá arbeiðsbólkinum er, at mælt verður til, at Fámjins-, Tvøroyrar- og Hvalbiar kommunur leggja saman.