Mars er keyptur fyri góðar 11 milliónir

Frystilínuskipið Mars, sum partafelagið Fossá í Sandavági keypti úr Noregi fyri 11 milliónir og 150.000 krónur, liggur framvegis í Havn.

Skipið kom til Føroya 14.apríl.

Ymisk arbeiði skulu gerast umborð, áðrenn skipið fer til fiskiskap.

Skipið hevur, sambært Teyggjuni, einki fiskiloyvi fingið enn.

Mars er bygt í 1988 í Danmark.

Einaferð hevði skipið navnið Stapin. Tað hevur eisini verið í Grønlandi. 

Partafelagið Fossá eigur eisini frystilínuskipið Eivind.