Djúpt innlit krevst

Dýrabiðidag var eitt eftirgjørt brot sent út, har tað sá út, sum tók danski forsætisráðharrin av bæði hvítusunnu, páskir og jól sum frídagar.

Avsendari var formaðurin í Dansk Folkeparti, Morten Messerschmidt, ið heldur ikki duldi, at hetta er skemt, ella politisk satira.

- Tað nýggja í hesum er, at tú sært okkurt, sum ikki passar. Men sum útgangsstøði skal tað hinvegin ikki vera revsivert at skemta við eitt nú politikarum, heldur Jógvan Páll Lassen, advokatur.

Neyðugt við serligari lóggávu
Hann heldur avgjørt, at brúk er fyri eini serligari lóggávu til hetta nýggja økið, sum vitlíkisøkið er.

- Vit vita ikki, hvar henda grindin kemur uppaftur, tá ið hon kavar, og tað er avgjørt neyðugt, at sovorðið ikki verður misbrúkt, sigur Jógvan Páll Lassen, sum vísir á, at vit hava yvirtikið revsirættin í Føroyum.

- Men tað er øgiliga neyðugt, at vit halla okkum uppat, hvussu tey gera aðrastaðni. Eg ivist í, um vit hava førleika og kapasitet til at fara at analysera hetta, tí eitt øgiliga djúpt innlit krevst í, hvussu hetta gongur fyri seg.

Hoyr samrøðu við Jógvan Páll Lassen: