- Tíðindi, mentan og ítróttur
Er nú ákærdur fyri manndráp
<div>Skuldsetti maðurin í málinum um Dánjal Petur Hansen er ákærdur fyri manndráp. </div><div><br></div><div>Ákæruvaldið er liðugt við ákæruritið móti 32 ára gamla manninum, av kroatiskum uppruna, sum í skjótt eitt ár hevur verið skuldsettur og varðhaldsfongslaður fyri at hava dripið og burturbeint Dánjal Petur Hansen - Pidda - úr Runavík. </div><div><br></div><div>Sambært ákæruritinum, verður maðurin ákærdur eftir grein 237 í revsilógini. Verður maðurin dømdur, kann hann vænta at fáa úr fimm upp í 20 ára fongsulsrevsing. </div><div><br></div><div>32 ára gamli maðurin er ákærdur fyri, frá klokkan hálvgum fýra fríggjamorgunin 4. november í fjør, til á middegin 15. november, at hava dripið Dánjal Peturi Hansen. Sambært ákæruritinum hevur maðurin beint fyri Dánjal Peturi Hansen við sløgum, stungum ella líknandi, við spískum og/ella kubbutum lutum. </div><div><br></div><div>Av tí at líkið av Dánjali Peturi Hansen ongantíð er funnið, er ilt at siga, hvussu hann er dripin, sambært ákæruritinum.</div><div><br></div><div><b>Leggja nógv upp fyri</b></div><div><br></div><div>Ákæruvaldið leggur tí nógv upp fyri í ákæruritinum. Í ritinum leggur ákæruvaldið upp fyri, at ákærdi maðurin eisini kann dømast, um so er, at nevningarnir ikki eru sannførdir um, at hann hevur verið einsamallur um at beina fyri Dánjali Peturi Hansen. </div><div><br></div><div>Í ákæruritinum er eisini lagt upp fyri, at maðurin kann dømast, um nevningarnir ikki eru sannførdir um, at talan eru um beinleiðis manndráp. Tá kann ákærdi maðurin eisini dømast fyri, at hann einsamallur ella saman við øðrum, hevur fram harðskap móti Dánjali Peturi Hansen við tí úrsliti, at hann doyði. </div><div><br></div><div>Eitt nevningarting skal taka støðu til ákærurnar móti 32 ára gamla manninum, sum er ákærdur fyri manndráp í málinum um tann horvna Dánjal Petur Hansen úr Runavík. </div><div><br></div><div><br></div><div><br></div>
