Farleiðin hjá Icelandair skapar nýggjar ferða- og vinnumøguleikar

Høgni Hoydal, landsstýrismaður í uttanríkis- og vinnumálum, var staddur á flogvøllinum og tók ímóti fyrsta Dash 8-flogfarinum hjá Icelandair, tá ið tað setti seg í Vágum um middagsleitið.

Nýggja farleiðin hjá Icelandair letur upp fyri nógvum ferða- og vinnumøguleikum, heldur Høgni Hoydal, landsstýrismaður. 

"Vit fegnast um, at Icelandair nú aftur flýgur til Føroya, tí hetta er við at knýta Føroyar tættari umheiminum, og tað er tað, ið vit ynskja."

Tað eru 20 ár síðani, at Icelandair gavst at flúgva til Føroya. Í roynd og veru, so vóru tað íslendingar, ið gingu á odda at fáa føroyingum loftvegis samband við umheimin.