Fótbóltsskúlar aftur í ár

Fótbóltssamband Føroya fer aftur í summar at skipa fyri fótbóltsskúlum.

Saman við KÍ, HB, B68 og FC Hoyvík verða í alt fýra fótbóltsskúlar á skránni í juni-, juli- og augustmánaði.

Tann fyrsti verður í Klaksvík 21. og 22. juni. Eina viku seinni, 28. og 29. juni, verður fótbóltsskúlin í Havn, meðan fótbóltsskúlin í Hoyvík verður 2. og 3. august.

Í mun til hinar fótbóltsskúlarnar, verður fótbóltsskúlin á Toftum skipaður yvir fýra dagar. 31. juli og 1. august fyri U11 og U13, og 2. og 3. august fyri U7 og U9.

Fótbóltsskúlarnir eru ætlaðir børnum og ungum, bæði gentum og dreingjum, í aldurinum 7 til 13 ár.

Øll, sum luttaka, fáa umframt fótbóltsvenjing, eisini mat, frukt, bólt, eina t-troyggju og luttøkubræv.