Hava biðið um undantaksloyvi til Kommunalu brennistøðina

Tórshavnar kommuna hevur biðið um undantaksloyvi til Kommunalu brennistøðina á Sandvíkarhjalla, nú fýra arbeiðarafeløg hava lýst verkfall.

Umsóknin fevnir um, at eitt til trý fólk skulu kunna vera til staðar á brennistøðini og taka ímóti fólki, sum sjálvi koma við ruski niðan á brennistøðina. 

Tað sigur Heðin Mortensen, borgarstjóri.

- Tað verður tó ongin heintan av ruski ella nøkur onnur tænasta útint, meðan verkfallið er. Hendan loysnin kann vera galdandi til bingjurnar eru fullar, og so má nýggj støða takast tá, sigur borgarstjórin.

Arbeiðarafeløgini viðgera í løtuni umsóknina frá Tórshavnar kommunu, og svarið kemur væntandi einaferð fyrrapartin.