Átta stovnar aftrat í Tórshavnar kommunu lata aftur

Í morgin stongja átta dagstovnar afturat í Tórshavnar Kommunu. Tað boðar kommunan frá fyrrapartin.

Orsøkin er tann sama - ruskið verður ikki heintað, tí verkfall er. 

Sambært Tórshavnar kommunu vísa heilsumyndugleikarnir á, at smittuvandi kann standast av, um ruskposar og annað hópar seg upp uttanfyri bingjurnar. Harumframt sleppa fuglur og skaðadjór eisini framat ruskinum, og tað kann eisini vera smittuvandi av tí.

Mirjam Johannesen, rusk, burturkast, barnagarðar, dagstovnar, Sólareygað, børn, verkfall, verkfall og dagstovnar,

Frítekst tagging: 

Mirjam Johannesen

Rusk

burturkast

barnagarðar

dagstovnar

Sólareygað

Børn

verkfall

Verkfall og dagstovnar

Bjarni Árting Rubeksen

Ruskið er farið at hópa seg upp á dagstovnunum, og nú verða teir stongdir. (Mynd: Bjarni Árting Rubeksen)

Í morgun stongdu 15 dagstovnar í Tórshavnar Kommunu. Og í morgin stongja so átta dagstovnar afturat.

Tilsamans 36 dagstovnar eru í Tórshavnar kommunu.

Stovnarnir, sum lata aftur í morgin, eru hesir:

Býlingshúsið Millum Gilja

Býlingshúsið Inni á Gøtu

Býlingshúsið á Norðasta Horni og Ungdómshúsið í Vesturbýnum

Dagstovnurin á Hamrinum

Dagstovnurin á Argjum

Dagstovnurin í Hoyvík

Dagstovnurin Kura (Vøggustova og barnagarður við Botnánna)

Frítíðarskúlin Smílibýlið