Allan skrivaði íslendska hondbóltssøgu

Føroyski hondbóltsspælarin Allan Norðberg og íslendska felag hansara, Valur, vunnu European Cup ímóti Olympiacos eftir dramatiska brotskastskapping.

Hetta er fyrstu ferð, at eitt íslendskt lið vinnur eina evropeiska kapping fyri feløg.

Seinna finalan, sum var í Grikkalandi leygardagin, var hádramatisk, og brotskastskapping var neyðug, áðrenn Allan Norðberg og liðfelagarnir kundu fegnast um søguliga sigurin. 

Strandingurin skeyt sjálvur trý mál í dystinum og skoraði upp á sítt brotskast í kappingini úr sjey metrum, sum Valur vann 5-4.

 - Eg eri ótrúliga takksamur fyri at vera partur av hesum liðnum. Hetta var mega stórt og stuttligt, segði Allan Norðberg eftir dystin.

Tað størsta fyri teg á vøllinum?

 - Ja.