Eldraøki fáa nú talgilda sjúklingajournal

Eldraøki fáa nú talgilda sjúklingajournal
Ætlanin er, at øll eldraøki í landinum fyri ársskiftið skulu hava sjúklingajournalir tvørtur um geirar
Sjóvarlon í Sjóvar kommunu er partur av Roðanum, sum hevur tikið talgilda sjúklingajournal í nýtslu. (Savnsmynd)
 
30.05.2024 - 08:39

Tvey eldraøki í landinum, Roðin og Norðoya bú- og heimatænasta, hava nú tikið í nýtslu talgilda sjúklingajournal.

Tað er sjúkrahúsverkið, sum er veitari av skipanini, og við henni ber til at fáa fatur í allar sjúklingajournalir tvørtur um geirar.

Heilsu- og umsorganartænastan í Tórshavnar kommunu er komin væl áleiðis í verksetanini. Bústovnar, dagtilhald, terapi og heimasjúkrarøkt og heimahjálp verða verksett í heyst. 

 

Ein sjúklingajournalskipan

Nú verður farið undir seinna partin av verkætlanini, sum snýr seg um at verkseta næstu fýra økini, sum eru VEKS, Bú- og heimatænastan í Suðuroy, Vesturvón og Økistænastan fyri Sandoyar sýslu.

Eftir ætlan er komið endaliga á mál fyri ársskiftið.

Við hesum samstarvi er politiska málið um, at tað bert skal vera ein sjúklingajournalskipan fyri føroyska borgaran, rokkið, sigur Kommunufelagið.
 
- Tað er okkum vitandi eindømi, at tað verður ein og  sama skipan tvørtur um geirar, og hetta verður ein stórur fyrimunur fyri borgaran eins og fyri starvsfólk, tá ið samskiftið gerst smidligari, skjótari og altíð dagført, skrivar Kommunufelagið á heimasíðuni.
 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470