Erla Kongsdóttir aftur í sigling hálvan juni

Strandfaraskipið Erla Kongsdóttir fer eftir ætlan í sigling aftur um hálvan juni. 

Tað sigur Niels Juel Arge, stjóri á Strandfaraskipum landsins.

Erla Kongsdóttir verður royndarsigld í næstu viku saman við klassanum og Sjóvinnustýrinum fyri at fáa øll loyvi og góðkenningar.

Á hestleiðina

Eftir ætlan skal Erla Kongsdóttir fara í sigling á hestleiðini í seinnu helvt av juni.

Manningin telur seks fólk: skipara, stýrimann og maskinmeistara, tvær manningar við trimum fólkum.

Niels Juel Arge sigur, at fólk er til aðru manningina. 

Størvini til hina manningina hava verið lýst leys, og 20 umsóknir eru til tey trý størvini.