Søkja eftir stjóra til Rúsdrekkasøluna

Løgmálaráðið søkir nú eftir stjóra til Rúsdrekkasølu landsins.

Rógvi Andrias Fossádal, sum gjørdist stjóri 1. desember 2012, var koyrdur herfyri.

Jan Arabo, fíggjar- og fyrisitingarleiðari í Rúsdrekkasøluni, er virkandi stjóri.

Rógvi Andrias Fossádal var virkandi stjóri frá 15. august 2012, til hann bleiv stjóri 1. desember tað árið.   

Fólk, sum ætla at søkja stjórastarvið, hava tað mesta av sumrinum til at skriva umsókn, tí umsóknarfreistin er til 1. august.