Brúktir aliringar endurnýttir sum lendisverja

Hugskotið hjá teimum báðum er, at tá ið ein aliringur hevur tænt fyri seg, so verður hann lutaður sundur, maldur á kvørn og endurnýttur. 

- Vit taka brúktar aliringarnar og kvørna teir um til smátt plast, sokallað granulat, sum so kann brúkast til endurnýtslu, sigur Kjartan Hansen, stjóri á Merkanor.

Kjartan Hansen, Merkanor, Brúktir aliringar endurnýttir sum lendisverja

Kjartan Hansen, íverksetari, vísir hvussu brúktir aliringar verða kvørnaðir til granulat (Mynd: Bárður Lydersen)

- Hetta er ein roynd at gera brúk av tí tilfari, sum finst her í landinum og endurnýta tað. Aliringar er eitt, sum vit hava funnið útav, kann brúkast sum lendisverja, sigur Árni Skaale, stjóri á LookNorth. 

Árni Skaale, brúktir aliringar nýttir sum lendisverja

Árni Skaale, stjóri, vísir, hvussu lendisverjan sær út (Mynd: Bárður Lydersen)

Kjartan selur ein part av granulatinum til Árna, men mesta av granulatinum verður selt uttanlands til endurnýtslu. 

Brúktir aliringar endurnýttir sum lendisverja

Aliringarnir verða maldir á kvørn til smáplast (Mynd: Bárður Lydersen)

Brúktir aliringar kvarnaðir til granulat

Tá ið aliringurin er maldur á kvørn til smáplast, verður plasti víðari malt til granulat. (Mynd: Bárður Lydersen)

- Hugsanin er, at tú kanst fara við hesari lendisverju á økir, so sum eitt parkeringsøki ella eina gøtu, so kanst tú leggja hetta á, klikkja tað saman sum flisar, fylla mold og sáa í tað. So fært tú eitt grønt parkeringsøki, sigur Árni Skaale. 

Brúktir aliringar endurnýttir sum lendisverja, robotturin staplar lendisverjuna

Brúktir aliringar endurnýttir sum lendisverja. (Mynd: Bárður Lydersen)