16 leikarar tiknir út til U20-landsliðið hjá monnum

16 leikarar eru úttiknir til U20-landsliðið hjá monnum í hondbólti.

Teir skulu luttaka í kapping, sum verður dagarnar 10.-21. juli í Celje í Slovenia.

Føroyar eru komnar í ein sterkan bólk saman við Spania, Fraklandi og Sveis, skrivar Hondbóltssambandið.

Spania, sum eru verandi evropa- og heimsmeistarar í hesum árganginum, er hægst styrkismett í bólkinum, meðan Føroyar eru styrkismettar nummar tvey og Frakland nummar trý. 

Hava ikki tapt

Talan er um sera sterkan árgang hjá Spania, sum ikki hevur tapt nakran dyst í seinastu HM- og EM-kappingini. 

Føroyar taptu 35-25 fyri Spania í 2022. 

Føroyar vunnu 29-26 á Fraklandi í 2022 í U18 EM-endaspælinum. 

Føroyar hava ikki møtt Sveis áður.

Hjalti Mohr Jacobsen og Djóni Gaard Joensen eru venjarar hjá U20 landsliðinum hjá monnum.

Hesir eru tiknir út til landsliðið:

Málverjar:
Torstein Sivertsen, H71
Aleksandar Lacok, Neistin

Vinstri vongur:
Jákup Egholm, Ikast FS
Rói Seyer Hjaltason, H71

Høgri vongur:
Niklas Gaard, Neistin
Óla Jákup Gaard Olsen, VÍF

Strikur:
Rói Thomsen, H71
Ísak Vedelsbøl, H71

Bakspælarar:
Óli Mittún, IK Sävehof
Helgi Poulsen, H71
Høgni Heinason, H71
Høgni Højsted, H71
Rókur Ziskason, H71
Búi D. Poulsen, Grindsted GIF
Trúgvi Hávardsson, StÍF
Tróndur Johnsson, VÍF