Hernaðarvirksemið heldur minkað

Ein kjarnorkurikin kavbátur kemur upp í Nólsoyarfirði, og eitt stórt amerikanskt hernaðarflogfar flýgur lágt í føroyska loftrúminum.

Tað var støðan í Føroyum longsta dag, og tað er mestsum vorðin ein gerandismynd í Føroyum.

Tað tykist sum, hernaðarliga virksemið hjá USA og øðrum sameindum er størri enn nakrantíð. 

Men tað er ikki støðan, heldur Sámal Tróndur Finsson Johansen, søgufrøðingur, sum skrivaði bókina Føroyar undir kalda krígnum. Heldur hinvegin.

Munurin er, at nú spæla myndugleikarnir við opnum kortum, heldur hann, og mótstøðan móti hernaðarvirksemi í Føroyum er mestsum burtur.