Stórur hugur at spyrja landsstýrið

Landsstýrið fekk 141 grein 52a spurningar í hesari tingsetuni.

12 teirra eru ikki svaraðir enn.

Spurningarnir kunnu ikki setast millum jóansøku, sum er mánadagin, og ólavsøku, tá nýggj tingseta byrjar.

Sambært grein 52a í tingskipanini kunnu tingfólk seta løgmanni og landsstýrisfólkum skrivligar spurningar, sum ikki eru settir á annan hátt, um almenn viðurskifti.

Spurningurin skal, sambært greinini, vera stutt og greitt orðaður. Møguligar viðmerkingar skulu vera stuttar og greiðar. 

Svarast skal í seinasta lagi 10 yrkadagar eftir, at spurningurin er latin inn. 

Svarið skal eisini vera stutt og greitt orðað. 

Løgmaður og landsstýrisfólk kunnu við skrivligari grundgeving boða frá, at spurningur ikki verður svaraður.

Aðrir skrivligir fyrispurningar vóru bara 13.