ES hóttir við at lata dyrnar aftur fyri Georgia

Uttanríkisleiðarin í ES, Josep Borell, hóttir stýrið í Georgia og sigur, at hurðarnar til ES verða latnar aftur, um tey ikki skifta kós.

Tað skrivar danska kringvarpið, DR. 

Tað snýr seg um eina russlandsvinarliga kós, sum Georgia hevur. Og verður henda kósin ikki broytt, fær Georgia ikki limaskap í ES.

Georgia samtykti herfyri eina lóg, sum sigur, at almannagagnligir felagsskapir, miðlar og aðrir felagsskapir, ið fáa meira enn ein fimtapart av fíggingini uttanlands, skulu skráseta seg sum: '"Felagsskapir, sum gera, ið útlendskir valdsharrar vilja." 

Henda lógin fær mótstøðu í ES. 

- ES-dyrnar fyri Georgia hava opið. Men heldur stjórnin á við teirri kós, tey gera nú, so lata dyrnar aftur, segði Josep Borrell fyrrapartin.