![](https://kvf.fo/sites/default/files/styles/myndasavn-width/public/vlcsnap-2023-07-11-11h13m34s556.png?itok=JvT_oCGY)
- Tíðindi, mentan og ítróttur
Vænta at sleppa at útflyta fisk til Brasil í heyst
Vænta at sleppa at útflyta fisk til Brasil í heyst
Umboð fyri brasilska matvørumyndugleikan hava verið í Føroyum seinastu dagarnar
![](https://kvf.fo/sites/default/files/styles/grein-ovasta-mynd/public/mapa.png?itok=IueLpd_p)
Umboð fyri MAPA avmyndað á vestaru bryggju í Havn í gjár.
26.06.2024 - 08:42
Umboð fyri brasilska matvørumyndugleikan MAPA hava verið í Føroyum síðani 17. juni í sambandi við, at Heilsufrøðiliga starvsstovan verður góðkend sum myndugleiki til útflutning av fiskavørum til Brasil.
Føroyska starvsstovan hevur greitt frá eftirlitsarbeiði, lóggávu og øðrum viðkomandi viðurskiftum.
Bárður Enni er stjóri á Heilsufrøðiligu starvsstovuni.
Um tveir mánaðir verður endaliga frágreiðingin og niðurstøða frá brasilianska matvørumyndugleikanum, MAPA, send Heilsufrøðiligu starvsstovuni.
Og gongst sum ætlað, sleppa føroyingar at útflyta fiskavørur til Brasil einaferð í heyst.
Hoyr samrøðu við Bárð Enni, stjóra á Heilsufrøðiligu starvsstovuni, í útvarpstíðindunum:
26062024_MAPA_og_HFS
Nýggjastu sendingar í ÚV
Nýggjastu sendingar í SV