Lundastovnurin í Íslandi hóttur

Lundastovnurin í Íslandi er minkaður munandi seinastu árini, orsakað av ovurfisking og broytingum í vistskipanini. Og íslendska stjórnin eigur at taka sær altjóða ábyrgd av tí.

Tað sigur doktari í lívfrøði.

Úrslit í frágreiðing, sum er gjørd fyri íslendska umhvørvisstýrið, vísa, at lundin er ovurveiddur seinastu hundrað árini, og fiskiskapurin er ikki burðardyggur. 

Umhvørvisstovan hevur eisini heitt á matstovur um at endurskoða, um lundabringa skal standa á matseðlinum, og á veiðimenn um at gevast við lundafleyggi.

Erpur Snær Hanssen, doktari í lívfrøði, sigur við íslendska kringvarpið, at umfatandi tiltøk mugu seta í verk. 

Lundi í Íslandi

Umhvørvisstovan í Íslandi hevur eisini heitt á matstovur um at endurskoða, um lundabringa skal standa á matseðlinum. (Mynd: RÚV)

Størsta lundapláss í heiminum

- Støðan er nevniliga, at vit hava størsta lundapláss í heiminum, størsta lundastovn, Vit hava tí altjóða ábyrgd sambært altjóða avtalum. Hetta má takast í størri álvara, enn tað verður nú, sigur Erpur Snær Hanssen.

- Fólk mugu fara hóvliga við náttúruni og ikki brúka hana til vinnuliga veiði, so at djórasløg eru fyri hóttafalli og koma á altjóða listan fyri hótt djór, sigur hann.

Íslendska umhvørvisstovan arbeiðir við uppskoti um verju- og veiðiætlan fyri lunda, skrivar íslendska kringvarpið.

- Vit taka ábendingarnar í fullum álvara, men kunnu staðfesta, at støðan er ikki nóg væl lýst. Til hetta er greinað úr í æsir, heita vit á fólk um at vera skynsom og ikki veiða ov mikið, sigur Bjarni Jónsson, verkætlanarleiðari á íslendskum umhvørvisstovuni.