Nú búgva 54.687 fólk í Føroyum

Fólkavøksturin gerst minni og minni fyri hvørjar tólv mánaðir, sum ganga.

1. juni búðu 54.687 fólk í Føroyum.

Vøksturin síðani 1. juni í fjør er bara 0,6 prosent.

Frá 1. juni í 2022 til 1. juni 2023 var vøksturin 0,9 prosent, skrivar Hagstovan.

Størsta broytingin var í nettoflytingini, sum minkaði nógv, serliga millum teirra uttan bústaðartilknýti. 

Hon var 183 fólk. Tað eru 138 fólk færri enn í undanfarna tíðarskeiði. 

Burðaravlopið minkaði eisini. Tað var 140 fólk. Tað var 179 frá 2022 til 2023.

Orsøkin er, at færri børn vera fødd.

Fólkatal