Verið seinastu almennu vitjanina sum íslendskur forseti

Guðni Thorlacius Jóhannesson var um vikuskiftið á síni seinastu almennu vitjan sum íslendskur forseti.

Íslendska kringvarpið RÚV skrivar, at fráfarandi forsetin vitjaði í Árneshreppi á Vestfirðum við Ferðafélag Íslands, har hann millum annað var fjalltúr og fekk handað heiðursmerki frá íslendska ferðafólkasamtakinum.

Í heyst fer Guðni Th. Jóhannesson aftur í granskingarstarv á Háskóla Íslands eftir at hava verið forseti Íslands síðani 2016.

Nýggjur forseti verður Halla Tómasdóttir. Hon tekur við 1. august.