- Tíðindi, mentan og ítróttur
Avgerð um fongslið nú í summar
![](https://kvf.fo/sites/default/files/styles/grein-ovasta-mynd/public/arrestin-3.jpg?itok=oQScVYoN)
Væntandi verður gjørt av nú í summar, hvar fongslið, sum skal byggjast í Føroyum, skal vera.
Kommunur hava víst á sjey støð, har byggjast kann.
Kriminalforsorgin hevur gjørt fakliga meting um støðini.
Tíggju kommunur bjóðaðu seg fram at hýsa fongslinum.
Tær eru Tvøroyrar kommuna, Eiðis kommuna, Kvívíkar kommuna, Tórshavnar kommuna, Sunda kommuna, Fuglafjarðar kommuna, Vága kommuna, Sørvágs kommuna, Nes kommuna og Eysturkommuna.
Fongslið skal vera liðugt í 2029.
Í staðin fyri varðhald
Tað skal koma í staðin fyri varðhaldið í Mjørkadali.
Í varðhaldinum eru fólk, sum hava fingið minni enn 18 mánaða fongsul.
Hini skulu til Danmarkar at sita. Hetta er meginreglan.
Ætlanin er, at allir føroyingar skulu kunna sita sín dóm í Føroyum, tá fongslið er liðugt.