Nú kemur skaðanevndin endiliga

Nú kemur skaðanevndin, sum Ráðið fyri ferðslutrygd hevur biðið um í nógv ár.

Í hvussu so er sambært løglistanum hjá landsstýrinum.

Har stendur, at farið er undir at gera lógaruppskot um skaðanevnd.

Eftir ætlan verður uppskotið latið løgtinginum í heyst.

Endamálið við einari skaðanevnd er at kanna og varpa ljós á møguligar orsøkir til ferðsluvanlukkur, og á henda hátt vera við til at forða fyri, at aðrar ferðsluvanlukkur henda, sigur landsstýrið.