Grønlendingar upp í Hoyvíkssáttmálan

Grønland eigur at sleppa upp í Hoyvíkssáttmálan, handilssáttmálan millum Føroyar og Ísland.

Tað hevur leingi verið ætlanin hjá landsstýrinum og íslendsku stjórnini.

Og nú er ætlanin, at Aleqa Hammond, landsstýrisforkvinna, fær innbjóðing til næsta fundin í Hoyvíksráðnum, har hon kann vera eygleiðari, sigur Kaj Leo Holm Johannesen, løgmaður. Løgmaður og íslendski uttanríkisráðharrin, Gunnar Bragi Sveinsson, eru samdir um, at Ísland og Føroyar eiga at styrkja handilssambandið við Grønland.

Løgmaður og uttanríkisráðharran hittust á árliga fundinum í Hoyvíksráðnum í Reykjavík fríggjadagin.