Liðfelagar raka hárið av høvdinum í samhuga við liðskiparanum

Í summar fekk liðskiparin hjá svenska 5. deildarliðnum Kalmar AIK FK, Markus Heman, staðfesti eitt sera álvarsligt slag av krabbameini. 

Krabbameinið hevur totalt kollvelt lívið hjá 24 ára gamla manninum, ið nú kempar sín lívsdysti móti krabbameininum.  

Eitt sera rørandi videobrot, har liðfelagarnir hjá Markusi Heman vísa honum sín samhuga og stuðul við at raka hárið av høvdinum, er nú farið um allar geilar á alnetinum. 

Í videobrotinum sæst ein sera rørdur Markus Heman, tá tað verður honum greitt, hvat liðfelagarnir hava gjørt.

Í eini longri samrøðu við Aftonbladet, greiðir Markus Heman frá sjúkuni, og hvønn týdning sovorðin stuðul hevur. 

"Tá mann spælir sín lívs harðasta dyst, so hevur sovorðin stuðul alt at siga. Teir eru so ótrúliga góð fólk. Eg havi ikki orð fyri tí. Eg eri glaður fyri at vera ein partur av Kalmar AIK, og at eg eri komin at kenna so framúrskarandi fólk."

Vi står enade i kampen mot cancer! #fuckcancer 💙 pic.twitter.com/J81mD6pVzc

— Kalmar AIK FK (@KalmarAIKFK) August 7, 2024