Kynsneutral vesi í Íslandi

Kynsneutral vesi í Íslandi
Almenn vesi í Íslandi skulu ikki longur vera býtt eftir kyni, men heldur eftir hentleikum, sigur nýggj íslendsk reglugerð
Mynd: Shutterstock.com  
 
15.08.2024 - 09:42

Í Íslandi verður tað nú krav eisini at hava kynsneutral vesi, har vesi frammanundan eru tilskilað hvør sær til mannfólk og konufólk.

Tað sigur ein nýggj íslendsk reglugerð, sum eisini eggjar til, at almenn vesi ikki longur skulu vera býtt eftir kyni, men heldur eftir hentleikum. 

So í staðin fyri eyðkendu myndskeltini av einum manni ella eini kvinnu á vesihurðini skulu tað heldur vera myndskelti av til dømis vesikummum, pissirennum, skiftingarrúmum og skiftiborðum.

Íslendska kringvarpið RÚV skrivar, at reglugerðin er galdandi fyri eitt nú skúlar, svimjihallir, sølumiðstøðir, matstovur og biografar.

Mett verður, at tað ikki fer at vera so trupult at halda reglugerðina, tí nógvastaðni í Íslandi er man longu farin frá at hava vesi, sum bert eru fyri eitt kyn.

Er kopiera
Nýggjastu sendingar í ÚV
Nýggjastu sendingar í SV
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824