Tvey føroysk børn á samdøgurstovni í Danmark

Tvey føroysk børn eru í løtuni á samdøgursstovni í Danmark sambært barnaverndarlógini.

Í fjør vóru fýra børn á samdøgursstovni.

Árini 2019 til 2022 vóru tilsamans 25 føroysk børn og ung á samdøgurstovni.

Viðmerkjast skal, at uppihaldið hjá hvørjum einstøkum í flestu førum gongur yvir um ár.

Tað sigur Djóni Nolsøe Joensen, landsstýrismaður, í svari til Liljuna Weihe, løgtingskvinnu.

Føroya Kærustovnur tekur avgerð um pláss á samdøgursstovni. Seinastu fýra árini eru komnir tveir samdøgursstovnar í Føroyum.

Liljan Weihe

LIljan Weihe, løgtingskvinna, hevur fingið svar frá landsstýrisfólkunum Djóna Nolsøe Joensen og Sirið Stenberg. (Savnsmynd: Bjarni Árting Rubeksen)

19 fólk á bú- og viðgerðarstovni í Danmark

Frá 2019 til 2023 hava 19 fólk verið á bú- og viðgerðarstovni í Danmark.

Landið rindar góðar 48,3 mió. kr. fyri tey. 

Tað sigur Sirið Stenberg, landsstýriskvinna, í svari til Liljuna Weihe, løgtingskvinnu.

22 ungdómar eru farnir í skúla í Danmark sambært lógini um arbeiðsfremjandi tiltøk frá 2019 til 2023.

Síðani 2015 hevur Almannaverkið skipað 17 nýggj pláss á bú- og viðgerðarstovni í Føroyum.