Kostar 20 milliónir at dagføra søvnini hjá Kringvarpinum

Tað fer leysliga mett at kosta 20 mió. kr. at dagføra øll søvnini hjá Kringvarpinum.

Tað sigur Sirið Stenberg, landsstýriskvinna.

Hon svarar Helga Abrahamsen, løgtingsmanni, sum spurdi, nær talgilda bandasavnið hjá Kringvarpinum verður atkomuligt hjá almenninginum.

Landsstýriskvinnan sigur, at arbeitt verður við málinum.

Sirið Stenberg, Public service sáttmálin 2024-2028, Kringvarpið,

Frítekst tagging: 

Sirið

Bjarni Árting Rubeksen

Sirið Stenberg, landsstýriskvinna í mentamálum, hevur svarað fyrispurningi um søvnini í Kringvarpinum. (Mynd: Bjarni Árting Rubeksen)

Søvnini nógv størri

Hon sigur eisini, at søvnini hjá Kringvarpinum eru nógv størri enn tað, sum var í Savnsgullverkætlanini. 

Tað er okkurt um tríggjar ferðir so stórt.

Í Savnsgulli var tilfar hjá Kringvarpinum frá 1957 til stutt eftir aldarskiftið. 

Helgi Abrahamsen

Helgi Abrahamsen, løgtingsmaður, spurdi um talgilda bandasavnið í Kringvarpinum. (Mynd: Bjarni Árting Rubeksen)

Liðugt í 2028/29

Arbeiðið við at dagføra søvnini verður ætlandi liðugt í 2028/29. 

Nógv arbeiði og nógv skráseting skal gerast við sjálvt tilfarið, áðrenn bandasavnið kann gerast alment, sigur Sirið Stenberg. 

Haraftrat kemur spurningurin um upphavsrætt.