Eingin hoyterri

Tað hevur verið óterri í langa tíð, og tað sæst aftur við tað at nógvir teigar kring alt landið standa óslignir.

- Eg havi einki sligið enn. Tað hevur einki veður verið at sláa, sigur Jan Thomsen, óðalsbóndi á Eiði.

Og tað hevur regnað sera illa í summar. 

- Vit skulu heilt aftur til 2011 fyri at finna ein augustmánað, tá ið tað hevur regnað meira enn august í ár, sigur Turid Laksá, veðurfrøðingur.

Men nú fer væntandi at vera turrari, lovar Veðurstøðin.