Bilsølan minkar framvegis

Nógv færri persónbilar vera framvegis keyptir í Føroyum.

Í august vóru 54 nýggir persónbilar skrásettir, 136 færri enn í august í fjør.

Og til 1. september eru 367 færri persónbilar skrásettir í ár. Tað eru 31 prosent færri enn til 1. september í fjør.

Samanlagt vóru skrásett 88 akfør í august, 151 færri enn í august í fjør.

Fleiri brúkt akfør

Innflutt brúkt akfør vóru eisini færri í august.

Her eru tølini tó ikki stór, akførini vóru níggju færri í august.

Men til 1. september eru tey fleiri í ár, yvir 70 prosent.

1. september vóru 42.339 akfør í Føroyum.

2.292 hava elmotor.