Kom við á síðsta túrin hjá línuskipinum Helenu

Tað var bæði við spenningi og sorgblídni, at línuskipið Helena, ið er gamli Nónhamar, bleiv søkt. 

Myndamenninir Bárður Lydersen og Ólavur Wolles vóru við á síðstu ferðini hjá Helenu, ið nú liggur á 15 til 30 metra dýpi á Borðoyarvík, 150 metrar úr kaiini á Norðoyri. 

Góð 75 tons av tilfari vóru tikin úr skipinum, áðrenn tað varð søkt. 

Helena liggur nú vestan fyri vrakið av útróðrarbátinum Reynsmúla, sum fyri nøkrum árum síðani var søktur á 15 metra dýpi.

Vrakini skulu brúkast at kava niður á.