Vænta eisini nógvar fosturtøkur í ár

- Vit kunnu eisini væntar nógvar fosturtøkur í ár.

Tað sigur Diana Reynstind, serlækni í kvinnusjúkum, nú talið á skrásettum fosturtøkum í fjør var tað mesta í 14 ár.

Í 2009 vóru 51 fosturtøkur skrásettar.

Diana Reynstind sigur, at tey hava fingið fleiri ávísingar um fosturtøku seinastu tvey árini.

Hoyr innslag í útvarpstíðindunum: 

Í Føroyum kann fosturtøka fremjast undir ávísum treytum til viku 12, har læknafrøðin kann geva fosturtøku: 

 · Um lív og heilsa hjá kvinnuni er í vanda
 · Um kvinnan er vorðin við barn við neyðtøku ella líknandi brotsgerð.
 · Um fostrið er í vanda fyri at fáa álvarslig likamlig ella sálarliga brek.
 · Um mett verður, at kvinnan ikki fer at megna at taka sær av barninum grundað á ógvusligar sálarligar ella likamligar avbjóðingar