Landsverk stevnir trygging

Tryggingin, sum varð teknað áðrenn arbeiðið byrjaði, er ætlað til møguligar hendingar í sambandi við tunnilsgerðina, og har hava hendingar verið, ið fáa Landsverk at seta fram eitt krav.

- Nøkur omanlop hava gjørt, at vit hava gjørt av at rættarsøkja, sigur Sigurð Ólason Vang, deildarleiðari á verkætlanardeildini hjá Landsverki. 

Í vikuni kom Dennis Holm, landsstýrismaður í samferðslumálum, í løgtingið við uppskoti um at hækka játtanina til Fámjinstunnilin. Hann biður løgtingið um 33 milliónir krónur aftrat til tunnilin, sum nú verður mettur at kosta 285 milliónir krónur.

Fámjinstunnilin er 1,2 kilometrar langur, og harumframt skal gerast ein kilometur av vegi Ørðavíkarmegin og umleið 400 metrar av vegi Fámjinsmegin.

Hoyr samrøðu við Sigurð Ólason Vang her: