- Tíðindi, mentan og ítróttur
83 milliónir í halli næsta ár
83 milliónir í halli næsta ár
Íløgurnar á fíggjarlógini 2025 vera 613 milliónir kr.
Ruth Vang, landsstýriskvinna.
Mynd: Bjarn Árting Rubeksen
30.09.2024 - 10:44
Hallið á fíggjarlógini næsta ár verður 83 milliónir kr.
Tað upplýsti Ruth Vang, landsstýriskvinna í fíggjarmálum, tá hon legði uppskotið um fíggjarlóg fyri 2025 fram fyrrapartin.
Samlaðu inntøkurnar í 2025 verða sjey milliardir og 436 mió. krónur, og útreiðslurnar sjey milliardir og 519 mió. kr. Hetta eru rakstrar-, løgu- og lánsútreiðslur.
Rakstrarútreiðslurnar eru seks milliardir 906 mió. krónur, og løgu- og løgukendar útreiðslur eru 613 mió. kr. Av hesum fara 100 milliónir til Suðuroyartunnilin.
Hallið verður sostatt 83 milliónir kr.
Les tíðindaskriv frá Fíggjarmálaráðnum her.
Les fíggjarlógaruppskotið her.
Uppskotið um fíggjjarlóg kemur til fyrstu viðgerð í tinginum mikudagin. Síðani fer tað í fíggjarnevndina.
Er kopiera
Nýggjastu sendingar í ÚV
Nýggjastu sendingar í SV
