Ódnin Helena hevur kravt 116 mannalív

Stóra ódnin Helena, sum hevur herjað í USA, hevur kravt 116 mannalív. 

Tað veit bretska kringvarpið at siga.

Ódnin rakti seks statir í landsynningspartinum í USA. Fleiri búøki eru løgd í oyði.

Í fjallalendinum  har vesturi í statinum North Carolina eru hús og brýr skolað burtur, bygdir eru lagdar í oyði,  og ferðafólkabýurin Asheville hevur mist alt samband við umheimin.

Arbeiðið hjá bjargingarliðum er rættiliga torført í fleiri støðum, tí so nógvir vegir eru oyðilagdir. 

Talið á deyðum fer væntandi at vaksa.