Á Breddanum: Fleiri tilfeingisgjøld á fíggjarlógina enn í Búskapargrunnin

Markið fyri, hvussu nógv verður flutt beint á fíggjarlógina frá tilfeingisvinnunum, hækkar 200 milliónir krónur næsta ár.

Tað ætlar Ruth Vang, landsstýriskvinna í fíggjarmálum, og tað sæst eisini í uppskotinum um fíggjarlóg fyri 2025, sum hon legði fram í gjár.

Uppskot er farið í løgtingið um at broyta lógina um Búskapargrunnin, so markið fyri, hvussu nógv fer í landskassan, verður hækkað úr 150 milliónum í alivinnuni upp í 250 milliónir, og úr 250 milliónum í fiskivinnuni upp í 350 milliónir krónur. 

Tað merkir at 200 milliónir meiri koma á fíggjarlógina í staðin fyri at fara í Búskapargrunnin. Tað er peningur, sum annars hevði verið brúktar at javna við í sjey ár. Milliónir, sum fáa úrslitið at síggja munandi betur út, enn tað annars hevði gjørt.

Landsstýriskvinnan í fíggjarmálum kemur í Breddan.

Í útvarpinum og á kvf.fo klokkan 10.