Kinnhvítur ljómari fyrstu ferð skrásettur í Føroyum

Undir upptøkunum til annað umfar av væl umtóktu fuglasendingini "Sært tú fuglin?", gjørdu Silas Olofson og Tróndur Olsen kvettið. 

Í einum urtagarði á Viðareiði, sóu teir ein lítla fugl við blágráum baki hvørva inn millum runnarnar.

Hin fuglakøni Silas Olofson var beinavegin klárur við linsuni. 

"Wauw," segði hann, meðan andrenalinið kókaði í kroppinum á honum. 

"Hatta er ein kinnhvítur ljómari, og hann er ongantíð skrásettur í Føroyum áður," leggur Silas spentur afturat. 

Spennandi brotið er úr fyrstu sendingini í øðrum umfari av "Sært tú fuglin?", sum varð sent í sjónvarpinum í kvøld og sæst á KVF Sjón.  

Hvat: Sært tú fuglin? II
Hvar: Í sjónvarpinum og á KVF Sjón
Nær: Hóskvøld eftir Dag og viku, og tá tað ber til hjá tær á KVF Sjón