EM-undankapping: Hondbóltsmenninir tiknir út

Nú tað stundar til komandi EM-undankapping hjá monnum byrjar, er kunngjørt hvørjir leikararnir eru, sum skulu umboða Føroyar í tveimum teimum fyrstu dystunum. 

Fyrri dysturin er ímóti Kosovo á heimavølli mikudagin 6. november. Seinni dysturin er ímóti Ukraina á útivølli í Litava 10. november. 

Elias er klárur
Stóra stjørnan á føroyska hondbóltslandsliðnum, Elias á Skipagøtu, hevur í longri tíð drigist við ein skaða og hevur tí ikki verið at sæð á dómaraseðlinum hjá TWS Kiel higartil í ár. Nú er ungi hoyvíkingurin komin fyri seg og er til reiðar til báðar landsdystirnar.

- Tað gongur framá og eg eri væntandi dystarklárur aftur í aðru viku, og gleði meg nógv til landsdystirnar, sigur Elias á Skipagøtu. 

Nýggjur málverji úttikin
Aleksandar Sasha Lacok er úttikin til A-landsliðið hesa ferð. Hann hevur vart málið hjá øllum ungdómslandsliðum uppeftir, og nú Nicholas Satchwell er skaddur, eru boð send eftir 20 ára gamla vestmenninginum. Hetta er bert aðru ferð, at málverjin úr felagnum Lugi er úttikin til A-landsliðshópin.

Landsliðsvenjararnir, Peter Bredsdorff-Larsen og Hjalti Mohr Jacobsen, hava úttikið 18 leikarar til dystirnar. Seinni verða 16 leikarar endaliga úttiknir til hvønn dyst.

Málverjar
Pauli Jacobsen, HØJ Elite (DEN)
Aleksandar Lacok, Lugi Handboll (SWE)

Bakkar
Tróndur Mikkelsen, Kristiansand Topphåndbold (NOR)
Rói Ellefsen á Skipagøtu, IF Hallby HK (SWE)
Pauli Mittún, Team Sydhavsøerne (DEN)
Óli Mittún, IK Sävehof (SWE)
Elias Ellefsen á Skipagøtu, THW Kiel (GER)
Vilhelm Poulsen, TSV Hannover-Burgdorf, (GER)
Kjartan Johansen, Lemvig-Thyborøn, (DEN)
Peter Krogh, Aarhus HC (DEN)
Bjarni í Selvindi (Valur)

Vengur
Rói Berg Hansen, Køge Håndbold (DEN)
Leivur Mortensen, FIF Håndbold (DEN)
Hákun West av Teigum, Füchse Berlin, (GER)
Allan Norðberg, Valur, (ISL)

Strikur
Teis Horn Rasmussen, Aarhus HC (DEN)
Pætur Mikkjalsson, Team Sydhavsøerne (DEN)
Ísak Vedelsbøl, IK Sävehof (SWE)